نشر المواطن عباس حمزة على حسابه الشّخصي على فيسبوك، صورةً لمنزله المهدّم جرّاء الحرب، وارفق الصّورة بتعليق يعبّر عن وجع كلّ جنوبي دُمّر منزله، وهُجّر من قريته، وحُرم من روضة ذكرياته.

رصد “الّدولة”
وكتب عبّاس حمزة تعليقًا على الصّورة:
الجنوب كلّه موجوع…
قرانا مهدّمة، وبيوتنا تحت الرّكام، وناسنا بعدها ناطرة.
مش بس الحرب دمّرت الحجر، الإهمال والتّقصير دمّروا كرامة الناس.
وُعدنا بتعويض.
وُعدنا بإيواء.
وُعدنا إنو الجنوب ما بينترك، لكن تُركنا
تُركنا نواجه الإيجار والدَّين والبرد لحالنا.
لا دولة التزمت، ولا جهة وفّت، ولا حدا رجع سأل.
الجنوب مش موسم خطابات.
ومش ساحة تُستعمل وقت الحاجة وتُنسى بعدها.
ونحنا مش أرقام بلوائح.
الإهمال جريمة بحق ناس خسرت كل شي.
والتقصير مسؤولية لازم حدا يتحمّلها.
بدنا حقنا.
بدنا نعمر بيوتنا.